2024-mi januaarip aallaqqaataani atuisunut akit
2024-mi januaarip aallaqqaataani atuisunut akit naleqqersuutaat tamakkiisoq ukiup siuliani ullormi pineqartumut naleqqiullugu 2,2 pct.-imik qaffariarpoq. Angallassineq assartuinerlu aamma Inuussutit naleqqersuutip qaffanneranut sunniuteqarnerpaajupput. inuussutissat 2,4 pct.-imik qaffattoq taamatullu ineqarneq 1,9 pct.-inik qaffattoq.
Atuisunut akit naleqqersuutaat atuisut tamakkiisumik atuinerisa agguaqatigiissinnerannik uuttuuteqarnera eqqumaffigissallugu pingaartuuvoq. Tabel 1-imi uuttuutit takukkit. Taamaasilluni nioqqutissaqarfinni ataasiakkaani akit tamakkerlutik allannguutaat akinut naleqqersuummut tamakkiisumut annertunerusumik sunniuteqarsinnaanngillat, soorlu atuisut ataasiakkaat aamma akit allanngornerat allatut misigisinnaangaat, atuisut namminneq qanoq atuisarneri apeqqutaalluni.
Taamatuttaaq eqqumaffigissallugu pingaartuuvoq 1.januaarimiit 1.juulimut akit qanoq inissisimanerat naleqqersuummi takutinneqarmat, taamatullu piffissap pineqartup iluani akit qanoq allanngortigisimanerannut takussutissaammat. Saqqummersitamilu matumani 2024-mi januaarip aallaqqaataani akit tunngavigineqarput, taamaasilluni januaarip aallaqqaataannit ulloq saqqummersitsivissaq tikillugu akit allannguutaat ilaanngillat.
Qaammatit aqqaneq-marluk ingerlanerini qaffariaatit pct.-inngorneri titartakkami siullermi takutinneqarput.
Titartagaq 1. Atuisunut akit, qaammatit aqqaneq-marluk ingerlanerini qaffariaatit procentinngorlugit, januaarimiit 2020 - januaarimut 2024
Najoqqutaq: https://bank.stat.gl/PRNPRISV Indeks (2008=100)
Atuisunut akit ukiup affakkaarlugit ineriartornerat
Atuisunut akit ukiup affaani kingullermi, piffissami 2023-mi juulimiit 2024-mi januaarimut 0,6 pct.-imik qaffassimapput. Januaari 2020-mit januaari 2024-mut atuisunut akini ukiup affakkaarlugit allannguutit procentinngorlugit titartakkami 2-mi takutinneqarput.
Titartagaq 2. Atuisunut akit, ukiup affakkaarlugit allannguutit procentinngorlugit, januaarimiit 2020 - januaarimut 2024
Najoqqutaq: https://bank.stat.gl/PRNPRISV
Nioqqutissat immikkoortitikkat ataasiakkaat ukiumut
ineriartornerat
Nioqqutissakkuutaat Pisiassat kiffartuussinerillu tamaasa ineriartornerat tassani akit assigiinngitsut ineriartorneri tunngavigalugit.
Ineqarnermut atortut atuisunut akinut naleqqersuummut appariartitsinerpaajusimavoq. Inuussutissat atuisunut akinut naleqqersuummut qaffariaataanerpaasimavoq.
Titartagaq 3. Piffissami 2023-mi januaarimiit 2024-mi januaarimut nioqqutissat immikkoortitikkat ukiumut allannguutaat procentinngorlugit
Najoqqutaq: https://bank.stat.gl/PRDPRISV
Malugiuk: Nioqqutissat assigiinngitsut atuisunut akinut naleqqersuummut sunniutaat takuneqarsinnaavoq. Akit nikissimanerat aamma qanoq oqimaalutarneqarsimanersut tassunga apeqqutaavoq.